Slik gjer de

Avklar med IT-ansvarleg at de har naudsynt programvare til å installere Minecraft Education Edition på elevmaskinene. Det er mogleg å skru ned på detaljnivået i spelet for å få det til å fungere raskare. Installer Minecraft Education Edition på alle maskinene på førehand (om du ikkje vil at elevene skal øve seg ved å gjere det sjølv). Bestem deg for om elevane skal arbeide i Creative-modus, eller om du vil ha streng regi på kva dei skal ha tilgang til av byggeklossar.

Del klassa inn i grupper på to eller tre personar som skal bygge saman. Det kan vere lurt å la mindre erfarne spelarar vere saman, slik at alle får bygge like mykje.

• Har de mange kulturminne i nærleiken, kan du fordele eit til kvar gruppe. Det kan også vere artig å gjenreise bygg som ikkje finst lenger. Elevane kan også bygge kjente kulturminne i Noreg basert på bilde og planteikningar.
• Avgjer om elevane får bygge på frihand, eller om dei skal bygge i ei bestemt målestokk. Her kan du snike inn mykje matte!
• Spill gjennom opplæringsverda i Minecraft Education Edition først.
• Lag reglar som klassen må følgje, som å bruke eige namn, vere høflege mot kvarandre og ikkje øydelegge andre sine bygg.
• Be elevane om å nytte funksjonen for skjermbilde i programmet til å dokumentere byggjeprosessen. Dei kan også skrive logg undervegs om det arbeidet dei gjer.
• La elevane lage plakatar i Minecraft som dei plasserer utanfor eller inni bygget, der dei fortel om byggverket.
• Det er lurt å ha nokre ekstra oppgåver på lur for dei raskaste byggjarane.